Crystal Palace tók á móti Liverpool í enska boltanum um helgina. Gestirnir byrjuðu fyrri hálfleikinn vel og braut Virgil van Dijk ísinn strax á 8 mínútu með frábærum skalla eftir hornspyrnu þar sem varnarmenn Palace hreinlega gleymdu að dekka Hollendinginn. Alex Oxlade-Chamberlain tvöfaldaði forystuna á 32. mínútu eftir frábæra stoðsendingu frá Robertson. Þá vöknuðu heimamenn og áttu nokkur hættuleg færi þar til flautað var til hálfleiks.
Áfram hélt sókn Crystal Palace í seinni hálfleik og uppskáru þeir á 55. mínútu er Odsonne Edouard minnkaði muninn. Heimamenn héldu áfram að ógna fram á við en Liverpool fékk mjög umdeilda vítaspyrnu undir lok venjulegs leiktíma. Fabinho skoraði af örryggi úr spyrnunni. Lengra komust heimamenn ekki og 3-1 sigur Liverpool staðreynd.
Vítaspyrnudómurinn var mjög umdeildur og rangur að mati Mark Clattenburg fyrrum dómara. Clattenburg segir að mark Chamberlain hefði heldur ekki átt að standa.
Þegar boltinn var sendur fyrir var Roberto Firmino rangstæður og hann fór í skallaeinvígi sem hafði áhrif að mati Clattenburg.
„VAR hefði átt að grípa inn í þarna;“ segir Clattenburg.
Kevin Friend dómari ætlaði svo ekki að dæma víti þegar Diogo Jota féll í teignum. VAR skoðaði málið og vildi að Friend hefði skoðað dæmið.
„Kevin Friend hefði átt standa vð fyrstu ákvörðun sína,“ segir Clattenburg en hann skilur ekki hvers vegna VAR vildi láta hann skoða málið betur.
Fabinho skoraði úr spyrnunni og sigur Liverpool staðreynd.