Gambía er komið í 8-liða úrslit Afríkukeppninnar eftir frækinn sigur á Gíneu í kvöld.
Musa Barrow, leikmaður Bologna á Ítalíu, skoraði eina mark leiksins á 71. mínútu þegar hann renndi boltanum framhjá Aly Keita í marki Gíneu.
Yusupha Njie leikmaður Gambíu var rekinn af velli á 87. mínútu. Gínea átti skot í stöng í uppbótartíma og Baboucarr Gaye í marki Gambíu varði annað skot í slána stuttu síðar.
Gambía stóð af sér stórsókn Gíneu á lokamínútunum og er nú komið áfram í 8-liða úrslitin. Gambía er í 150. sæti styrkleikalistans og leikur í Afríkukeppninni í fyrsta sinn.
Gambía mætir annað hvort heimamönnum í Kamerún eða Kómoreyjum í 8-liða úrslitunum á laugardag.