Romelu Lukaku gekk til liðs við Chelsea í sumar eins og þekkt er. Hann hefur aðeins skorað 2 mörk í síðustu 12 deildarleikjum liðsins og verið langt frá sínu besta frá því að hann sagði í viðtali við Sky Italia að leikstíll Chelsea henti honum ekki.
Tuchel segir það vera ljóst að Lukaku skorti sjálfstraust og eigi í erfiðleikum þessa dagana en hann sé ekki eini sóknarmaðurinn með vandamál.
„Ég er sammála því að Lukaku skortir sjálfstraust. Hann á erfitt með margt á þessum tímapunkti. Við erum að reyna að koma honum í gang aftur en framherjar eru viðkvæmir.“
„Hann fékk náttúrulega COVID ofan á allt annað og hann er bara mannlegur.“
„En Romelu er ekki sá eini sem á í vandræðum, á þessum tímapunkti er enginn annar sem hefur stigið upp og skorað.“