Þeir Rico Henry og Mathias Jensen, leikmenn Brentford, þurftu báðir að fara af velli í dag eftir slæmt samstuð í leik gegn Wolves.
Liðsfélagarnir skullu saman á 20. mínútu leiksins, í stöðunni 0-0. Blóð fossaði úr andliti Jensen. Myndir af þessu má sjá neðar.
Hvorugu liðinu tókst að skora í fyrri hálfleik í dag. Snemma í seinni hálfleik kom Joao Moutinho Úlfunum yfir eftir samspil við Nelson Semedo.
Ivan Toney jafnaði fyrir Brentford þegar tæpar 20 mínútur lifðu leiks. Markið gerði hann eftir flotta sendingu Bryan Mbuemo.
Staðan var þó ekki 1-1 lengi því sjö mínútum síðar var Ruben Neves búinn að koma gestunum aftur yfir með flottu skoti. Lokatölur 1-2.