Newcastle hefur boðið 12 milljónir punda í Jesse Lingard, leikmann Manchester United. Þetta segir í frétt Telegraph.
Newcastle vill styrkja sig frekar í janúarglugganum. Félagið hefur þegar fengið til sín þá Kieran Trippier og Chris Wood frá því að moldríkir eigendur tóku við taumunum.
Liðið er í næstneðsta sæti ensku úrvaldseildarinnar, 2 stigum frá öruggu sæti.
Newcastle hefur mikinn áhuga á að fá hinn 29 ára gamla Lingard til liðs við sig. Félagið vill kaupa hann endanlega. Leikmaðurinn sjálfur hefur hins vegar meiri áhuga á því að fara á láni frá Man Utd og halda möguleikum sínum fyrir framtíðina opnum. Samningur hans í Manchester rennur út í sumar.
Lingard hefur aðeins komið við sögu í níu leikjum í ensku úrvalsdeildinni á þessari leiktíð.
Á seinni hluta síðustu leiktíðar fór miðjumaðurinn á kostum á láni hjá West Ham.