Christian Rowe, 19 ára gamall knattspyrnumaður sem lék í ensku utandeildinni, er látinn eftir bílslys.
Rowe lék sem miðjumaður með Slough Town og var einnig á mála hjá Binfield FC.
,,Það er okkur þungbært að tilkynna það að Christian Rowe er látinn.“ Svona hófst sameiginleg tilkynning Slough Town og Binfield FC.
,,Þessar fréttir skilja alla eftir með brotin hjörtu. Leikjum hjá aðalliðum og U-23 ára liðum beggja félaga sem áttu að fara fram um helgina hefur verið aflýst.“
,,Christian var talinn einn af efnilegustu ungu leikmönnum Slough Town. Hann hefur verið frábær fyrir U-23 ára liðið á þessari leiktíð og einnig verið með aðalliðinu.“
,,Hugur okkar er hjá foreldrum, fjölskyldu og liðsfélögum hans. Við biðjum alla um að virða einkalíf fjölskyldunnar á þessum ótrúlega erfiða tíma.“
Fjöldi félaga á Englandi hefur sent fjölskyldu Rowe samúðarkveðjur.