Leicester tók á móti Tottenham í ensku úrvalsdeildinni í kvöld. Leiknum lauk með 2-3 sigri Tottenham eftir dramatískar lokamínútur.
Leikurinn var nokkuð fjörugur en Patson Daka kom Leicester yfir gegn gangi leiksins á 24. mínútu með frábæru marki. Gestirnir svöruðu þó fljótlega en rúmum 10 mínútum síðar jafnaði Harry Kane metin eftir flotta gabbhreyfingu.
James Maddison kom Leicester yfir á 76. mínútu eftir stoðsendingu frá Harvey Barnes. Maddison hefur verið frábær upp á síðkastið og skorað 5 mörk í síðustu sex leikjum. Allt leit út fyrir að Leicester myndi sigra þá tóku við ótrúlegar mínútur í uppbótartíma.
Fimm mínútum var bætt við og og jafnaði Steven Bergwijn metin þegar komið var yfir uppgefin uppbótartíma. Einni mínútu síðar var Bergwijn aftur á ferðinni og kom Tottenham yfir á dramatískan hátt og sigur Tottenham staðreynd eftir ótrúlegar lokamínútur.
Leicester 2 – 3 Tottenham
1-0 Patson Daka (´24)
1-1 Harry Kane (´38)
2-1 James Maddison (´76)
2-2 Steven Bergwijn (´90+6)
2-3 Steven Bergwijn (´90+7)
