El Nacional fullyrðir að Eden Hazard hafi hafnað því að ganga í raðir Newcastle. Blaðið segir að Real Madrid hafi samþykkt tilboð í hann.
Sagt er að Newcastle hafi boðið tæpar 40 milljónir punda í Hazard og Real Madrid hafi samþykkt tilboðið.
Hazard er þrítugur en hann kom til Real Madrid árið 2019 og kostaði þá 88 milljónir punda. Hann hefur hins vegar ekkert fundið sig.
Hazard hefur verið mikið meiddur en Carlo Ancelotti telur hann ekki lengur lykilmann og er til í að selja hann.
Hazard vill hins vegar ekki fara til Newcastle þar sem liðið berst við falldrauginn á Englandi. Hann vonast eftir stærra tækifæri en það ef hann á að fara frá Real Madrid.