Johannes Vall og Christian Köhler sem léku með Val á síðustu leiktíð í efstu deild karla eru mættir til æfinga hjá ÍA sem einnig leikur í efstu deild.
Vall og Köhler áttu ágætis spretti með Val en á Hlíðarenda var ákveðið að semja ekki við hann.
„Það sáust leikmenn á Skaganum, Vall og Köhler,“ sagði Hjörvar Hafliðason stjórnandi Dr. Football í þætti sínum í dag.
Jóhann Már Helgason sem var gestur þáttarins er stuðningsmaður Vals. „Þeir mega alveg fara þangað, Vall var ágætur en Köhler ekki góður. Köhler var flopp hjá VAl en kannski fínir á Skaganum.“
Einnig kom fram í þættinum að Sigurður Bjartur Hallsson framherji KR væri á reynslu í Króatíu hjá Lokomotiv Zagreb. Hann getur farið frítt frá KR en þangað kom hann í haust frá Grindavík.