Einum leik var að ljúka í ensku úrvalsdeildinni í kvöld en þar tók Brighton á móti Crystal Palace.
Fyrri hálfleikur var nokkuð rólegur þar til heimamenn fengu víti á 38. mínútu. Pascal Gross tók spyrnuna en Butland varði. Leikmenn Brighton fóru strax aftur í sókn og kom Neal Maupay boltanum í netið en markið var dæmt af eftir skoðun í VAR.
Conor Gallagher braut ísinn á 69. mínútu leiksins gegn gangi leiksins eftir stoðsendingu frá Jeffrey Schlupp. Það reyndist þó ekki lokamarkið en Joachim Andersen lenti í því óláni að skora sjálfsmark undir lok leiks og niðurstaðan því 1-1 jafntefli.
Brighton er í 8. sæti deildarinnar og Crystal Palace 11. sæti.
Brighton 1 – 1 Crystal Palace
0-1 Conor Gallagher (´69)
1-1 Joachim Andersen, sjálfsmark (´87)