West Ham tók á móti nýliðum Norwich á London leikvangnum í kvöld.
Jarod Bowen kom heimamönnum yfir á 42. mínútu eftir stoðsendingu frá Vladimir Coufal og staðan 1-0 í hálfleik.
West Ham brenndi af nokkrum góðum færum í seinni hálfleik en komu boltanum aftur í netið á 83. mínútu.
Þar var Bowen aftur á ferðinni er hann skoraði eftir sendingu frá Arthur Masuaku. Markið var upphaflega dæmt af vegna rangstöðu en með hjálp myndbandsdómgæslu var markið dæmt gilt.
Meira var ekki skorað í leiknum og 2-0 sigur West Ham niðurstaða. West Ham heldur áfram baráttu sinni um Meistaradeildarsæti en liðið er í 4. sæti með 37 stig. Liðin fyrir neðan eiga þó leiki til góða á West Ham. Norwich er áfram á botninum með 10 stig eftir 20 leiki.