Hannes Þór hefur leikið sinn síðasta landsleik fyrir Ísland. Frá þessu greindi hann á RÚV í kvöld.
Hannes stóð vaktina í marki Íslands í leiknum geng Þýskalandi í kvöld þar sem Ísland tapaði 0-4 á heimavelli.
Hannes hefur spilað 77 landsleiki og stóð vaktina á Evrópumótinu árið 2016 og á Heimsmeistaramótinu árið 2018.
„Ég er búin að spila núna í 10 ár og mjög stoltur af því. Ég er búin að eiga ótrúlegar stundir í þessari landsliðstreyju og margar af mínum bestu stundum eru hér en það er komið að kynslóðaskiptum. Við eigum fullt af frábærum markvörðum. Mér finnst réttur tímapunktur fyrir mig núna að tíga til hliðar og leyfa þeim að taka við keflinu. Ég var að spila minn síðasta landsleik í kvöld og þakka kærlega fyrir mig,“ sagði Hannes.
„Þetta er búið að vera að gerjast í smá tíma. Ég er mjög sáttur með þennan feril og sáttur í eigin skinni.“
Hannes er 37 ára gamall en hann leikur í dag með Val. Hannes var einn af lykilmönnum Íslands í miklum uppgangi.
Hápunkturinn á ferli Hannesar kom í Moskvu árið 2018 þegar hann varði vítaspyrnu frá Lionel Messi í 1-1 jafntefli á HM.
Líklega munu sögubækurnar dæma Hannes sem besta markvörð í sögu Íslands. Rúnar Alex Rúnarsson hafði staðið vaktina í marki Íslands í leikjunum tveimur á undan.
Hannes Þór Halldórsson er hættur í landsliðinu í fótbolta. Hafðu þökk fyrir minn kæri. Takk fyrir allt.Eina.
— Guðjón Guðmundsson (@gaupinn) September 8, 2021