Enska úrvalsdeildin vinnur hörðum höndum að því að aflétta banni sem FIFA setti á leikmenn sem var meinað að ferðast í landsliðsverkefni í þessum landsleikjaglugga.
Átta leikmenn frá Brasilíu sem spila í ensku úrvalsdeildinni fengu ekki að fara í sín landsliðsverkefni en það eru lykilmenn sinna liða. Þetta eru þeir Fabinho, Alisson og Bobby Firmino hjá Liverpool, Ederson og Gabriel Jesus hjá Manchester City, Thiago Silva hjá Chelsea, Fred, leikmaður Manchester United og Raphinha leikmaður Leeds. FIFA ákvað þá að senda þessa leikmenn í bann og fá þeir ekki að spila með sínum félagsliðum um helgina.
Félögin í ensku úrvalsdeildinni mótmæltu þessum aðgerðum kröftuglega og virðist vera að þokast til í þessum málum og eru félögin orðin bjartsýnari um að leikmennirnir fái að spila um helgina þrátt fyrir að ekki sé enn komin lausn.
Þá sendi Richard Masters, framkvæmdastjóri ensku úrvalsdeildarinnar, félögum deildarinnar bréf þar sem hann segir að verið sé að vinna að lausn á þessu máli og möguleiki sé að leikmennirnir fái að spila um helgina.
No resolution yet but there’s growing confidence that the players will be allowed to feature for their clubs following discussions between the Premier League, FIFA, FA and the government. https://t.co/YJ7iNGIJHP
— Melissa Reddy (@MelissaReddy_) September 8, 2021