Víkingur Reykjavík getur orðið Íslandsmeistari í knattspyrnu í fyrsta sinn í 30 ár þegar liðið tekur á móti Leikni Reykjavík í Pepsi Max-deild karla á morgun. Liðið þarf einfaldlega að sigra leikinn til að gulltryggja titilinn.
Uppselt var á leikinn fyrr í vikunni miðað við tvö 500 manna sóttvarnarhólf. Víkingar tóku þó þá ákvörðun um að fjölga áhorfendum með því að fara fram á að fólk sýni neikvæða niðurstöðu úr COVID-19 hraðprófi.
,,Með eftirfarandi aðgerðum verður hægt að fjölga miðum og selja sérstaklega í stæði (en ekki í sæti).Til þess að gera fleirum kleift að mæta á leikinn verður gerð krafa um að gestir 16 ára og eldri framvísi neikvæðri niðurstöðu COVID-19 hraðprófs. Þetta er gert til þess að sem flestir geti upplifað þá stemningu sem mun vera í Víkinni á laugardaginn og hvatt liðið okkar áfram. Börn fædd 2006 og síðar telja ekki í gildandi takmörkunum,“ sagði meðal annars í yfirlýsingu Víkings í vikunni.
Nú hafa stæðin verið sett upp. Stefnt er á áhorfendamet í Víkinni á morgun. Sviðið er sett fyrir sögulega stund!
Í Víkinni er verið að undirbúa allt fyrir stórleik morgundagsins, þar sem allt útlit er fyrir að vallarmet verði slegið.
Sjáumst á morgun! pic.twitter.com/ob3BRyWElh
— Víkingur (@vikingurfc) September 24, 2021