Cristiano Ronaldo mætti á nýjum bíl á æfingu Manchester United í dag sem vakti mikla athygli. Um er að ræða Bentley Flying Spur bíl sem Ronaldo fékk sér nýlega.
Á eftir Ronaldo voru tveir lífverðir sem keyrðu um á Range Rover til að passa upp á öryggi Ronaldo.
Ronaldo hefur slegið í gegn í endurkomu sinni hjá United en hann hefur skorað fjögur mörk í fyrstu þremur leikjum sínum.
Ronaldo á rosalegan bílaflota en hann virðist hafa byrjað dvöl sína hjá United með því að kaupa sér Bentley á um 40 milljónir.
Ronaldo er 36 ára gamall en hann verður klár í slaginn þegar United mætir Aston Villa á laugardag.
Nýja bifreið hans má sjá hér að neðan.