Mikael Anderson og Jón Dagur Þorsteinsson voru báðir í byrjunarliði AGF er liðið sótti Silkeborg heim í dönsku úrvalsdeild karla í kvöld.
Staðan var markalaus fram á 71. mínútu þegar að Yann Basseck kom AGF yfir eftir stoðsendingu frá Eric Kahl.
Mikael Anderson kom AGF svo í 2-0 tveimur mínútum síðar en þetta var annað mark Mikaels í jafn mörgum leikjum síðan að hann kom aftur til félagsins á dögunum.
Mikael var síðar tekinn af velli þegar að tvær mínútur voru eftir af venjulegum leikíma.
Bæði Jón Dagur og Mikael fengu að líta gula spjaldið í leiknum en það gerði einnig Stefán Þórðarson sem byrjaði leikinn fyrir Silkeborg en var tekinn af velli á 75. mínútu.
Þetta var annar sigur AGF á tímabilinu en liðið er í 9. sæti með 9 stig eftir 9 leiki. Silkeborg er í 6. sæti með 11 stig.