Fyrrverandi framherjinn og knattspyrnuspekingurinn Michael Owen var allt annað en sáttur við Jesse Lingard eftir að Englendingurinn skoraði sigurmark Man United gegn West Ham á sunnudag.
Lingard tryggði United mönnum stigin þrjú með glæsilegu skoti á 88. mínútu en neitaði að fagna markinu, en kappinn var á láni hjá West Ham á síðustu leiktíð þar sem hann stóð sig frábærlega og skoraði 9 mörk í 16 leikjum.
„Afgreiðslan er alveg frábær,“ sagði Owen í samtali við Premier League Productions.
„Það eina sem er slakt við þetta er að hann fagnar ekki. Ég trúi því ekki leikmenn fagni ekki þegar þeir skora gegn sínum gömlu félögum. Hann var bara þarna í nokkrar mínútur.
Ef hann vill ekki skora, ef hann er ekki það ánægður, ekki skjóta þá, gefðu boltann ef það er málið. Það er það eina sem hann klikkar á þarna, allt annað var stórkostlega gert.“
Lingard var hins vegar á öðru máli í samtali við MUTV. „Ég fékk frábærar móttökur frá stuðningsmönnum West Ham. Ég naut mín þar en þurfti að standa mig vel í dag.
Þeir studdu við bakið á mér þegar ég var þar á láni og tóku vel á móti mér svo mér fannst rétt að endurgjalda þeim það.“
Markið kom United á toppinn við hlið Chelsea og Liverpool en liðin eru öll með 13 stig eftir fimm umferðir.