Georgina Rodriguez, kærasta Cristiano Ronaldo, opnaði sig um heimilshaldið í viðtali við Sportweek á dögunum. Hún segist sjá um allt á heimilinu þar sem Ronaldo eigi að einbeita sér að því að halda sér í toppstandi. Georgina segir að Ronaldo sé frábær faðir.
„Cristiano er ofurpabbi og besti eiginmaður sem mig gæti dreymt um,“ sagði Georgina við Sportweek.
„Hann eldar ekki. Eftir að hann er búinn að æfa allan morguninn þá á hann skilið að það sé tilbúinn heitur matur á borðinu.“
„Hann þarf ekkert að gera á heimilinu, hann á bara að hugsa um sig og gera allt til að halda sér á toppnum. Ég sé um rest, ég elska að sjá um heimilið og fjölskylduna.“