Thomas Tuchel, stjóri Chelsea, er ekki bara góður þjálfari heldur virðist hann vera ansi góðhjartaður.
Þegar Tuchel bjó í Frakklandi og stýrði PSG réð hann konu frá Filippseyjum til að sjá um húsið sitt en þegar hann komst að því að hún væri að vinna yfirvinnu til að reyna að borga fyrir hjartaaðgerð fyrir son sinn þá ákvað Tuchel að borga sjálfur fyrir aðgerðina. Samkvæmt Canal Sport gekk aðgerðin vel og sonurinn dafnar vel.
Hann var mjög ánægður með starfskrafta hennar og ákvað einnig að kaupa handa henni einbýlishús á Filippseyjum þar sem það væri draumur hennar en hún hafði ekki haft efni á að láta það rætast.
Stuttu eftir það góðverk var hann látinn fara frá PSG en hann er nú stjóri Chelsea og hefur náð góðum árangri með liðið. Chelsea vann Meistaradeildina nú í vor.