Cristiano Ronaldo og fjölskylda hans fluttu út úr húsi sínu í Manchester eftir eina viku. Ástæðan er sú að kindur voru að vekja hann og fjölskylduna snemma á morgnana.
Forráðamenn United höfðu leigt hús fyrir Ronaldo sem kostar um milljarð. Húsið stendur á stórri eignarlóð en við húsið er stórt land þar sem kindur dvelja.
Við þetta gat Ronaldo ekki sætt sig, hann ákvað því að finna sér nýtt húsnæði.
„Þetta var falleg hús en þetta var nálægt kindum sem voru með mikil læti snemma morguns,“ sagði heimildarmaður enskra blaða.
„Einnig var göngustígur fyrir almenning í gegnum lóðina. Hliðið að húsinu var líka með útsýni að því. Fólk sá því inn á heimili þeirra.“
„Ronaldo er algjör atvinnumaður og leggur mikið upp úr hvíld og endurheimt, það var því ákveðið að það væri best fyrir hann að flytja.“
Ronaldo flutti sig því um set í úthverfi Manchester og leigir nú 500 milljóna króna hús sem er með 7 svefnherbergjum.