fbpx
Miðvikudagur 27.október 2021
433Sport

Heimir Hallgrímsson á RÚV í gær – Sagði frá lykilatriðinu í að ná árangri með Ísland

Hörður Snævar Jónsson
Fimmtudaginn 16. september 2021 09:08

Ekki missa af Helstu tíðindum dagsins í pósthólfið þitt

Lesa nánar

Heimir Hallgrímsson fyrrum landsliðsþjálfari Íslands var gestur í sjónvarpsþættinum Með okkar augum á RÚV í gær. Heimir er staddur hér á landi á meðan hann skoðar næstu skref sín sem þjálfari.

Heimir lét af störfum sem þjálfari íslenska landsliðsins árið 2018 eftir að hafa stýrt liðinu í sjö ár. Heimir og til að byrja með Lars Lagerback skrifuðu sig í sögubækurnar þegar þeir komu íslensku karlalandsliði í fyrsta sinn á EM árið 2016 og síðan Heimir sem fór einn með liðið á HM árið 2018.

„Lars Lagerbäck lét mér líða rosalega vel, leyfði mér að hafa áhrif strax, og ég held að það sé lykillinn að öllu samstarfi,“ segir Heimir í þættinum á RÚV sem sýndur var í gær.

„Hann veit hvernig á að vinna með fólki. Ég var náttúrulega svolítið óreyndur, að koma úr íslensku deildinni, og Lars lét mér líða rosalega vel. Hann leyfði mér að hafa áhrif strax og ég held að það sé lykill að öllu samstarfi. Að menn fái svolítið frelsi.“

Heimir var þá spurður út í það hvað hann gerði þegar hann tók einn við liðinu. „Við héldum í meira og minna allt og flest af því sem við höfðum verið að gera áður. Ég hafði fjögurra ára reynslu af því að stjórna landsliðinu svo það var ekki flókið fyrir mig, fyrir utan að ég var áfram með gott fólk í kringum mig sem hjálpaði mér.“

Gefur gott ráð í landsliðsþjálfun:

Óhætt er að fullyrða að Heimir er besti landsliðsþjálfari í sögu Íslands en hver er lykilinn. „Mesta kúnstin, Þú ert að fá menn sem eru mjög ólíkir og alls staðar af úr heiminum. Þeir eru vanir að spila fótbolta á ólíkan hátt en með íslenska landsliðinu verða þeir að vita hvernig á að spila með íslenska landsliðinu.“

Eftir starfið hjá Íslandi fór heimir til Katar og stýrði Al-Arabi í tvö og hálft ár. „Það var skrýtið að koma í fyrsta lagi til Katar, þar er annar kúltúr. Önnur trúarbrögð, þau hafa mikil áhrif á fótboltann. Múslimar eru með öðruvísi venjur og siði, þegar maður kemur sem gestur í land þá getur maður ekki breytt öllum í Íslendinga. Við vorum svolítið að reyna það í byrjun en svo föttum við það að við þurftum að aðlagast að þeim.“

Heimir er án starfs í dag en hver er stóri draumurinn? „Ég hef ekki neina sérstaka drauma um hvaða lið ég sé að þjálfa, bara þar sem ég er að vinna að þar líði mér vel. Hvort sem það er ÍBV eða Manchester United. Mig langar að ég nái árangri þar sem ég er,“ sagði Heimir að lokum og tók fram að það sem mestu máli skipti væri að fjölskyldan yrði hamingjusöm.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 17 klukkutímum

Horfðu á sjónvarpsþátt 433: Ævintýri í Breiðholti – Birgir ræðir tímamótasamning

Horfðu á sjónvarpsþátt 433: Ævintýri í Breiðholti – Birgir ræðir tímamótasamning
433Sport
Fyrir 17 klukkutímum

„Ronaldo hefur aldrei átt jafn mikið skilið að vinna gullboltann og í ár“

„Ronaldo hefur aldrei átt jafn mikið skilið að vinna gullboltann og í ár“
433Sport
Fyrir 21 klukkutímum

Leiknismenn horfa til Hannesar – ,,Væri mjög heimskulegt ef við myndum ekki tékka á besta markmanni landsins“

Leiknismenn horfa til Hannesar – ,,Væri mjög heimskulegt ef við myndum ekki tékka á besta markmanni landsins“
433Sport
Fyrir 21 klukkutímum

Aron Jó fer til Vals – Hafnaði fjölda liða

Aron Jó fer til Vals – Hafnaði fjölda liða