fbpx
Laugardagur 28.maí 2022
433Sport

Meistaradeild Evrópu: Verðskuldaður sigur Liverpool – Messi, Mbappe og Neymar tókst ekki að vinna í Belgíu

Helgi Sigurðsson
Miðvikudaginn 15. september 2021 21:12

Jordan Henderson: Mynd/Getty

Ekki missa af Helstu tíðindum dagsins í pósthólfið þitt

Lesa nánar

Sex leikjum lauk nýlega í riðlakeppni Meistaradeildar Evrópu.

A-riðill

Club Brugge 1-1 PSG

Paris Saint-Germain, með Lionel Messi, Kylian Mbappe og Neymar í byrjunarliðinu, gerði aðeins jafntefli gegn Club Brugge í Belgíu í kvöld.

Leikurinn var fjörugur. Ander Herrera kom gestunum frá París yfir á 15. mínútu með marki eftir fyrirgjöf Mbappe.

Hans Vanaken jafnaði leikinn fyrir Club Brugge 27. mínútu. Lokatölur 1-1.

Lionel Messi í leiknum í kvöld. Mynd/Getty

Man City 6-3 RB Leipzig

Manchester City mætti RB Leipzig á heimavelli og sigraði í miklum markaleik.

Nathan Ake kom City yfir á 16. mínútu. Á 28. mínútu tvöfölduðu Englandsmeistararnir forystu sína þegar Nordi Mukiele setti boltann í eigið net.

Á 42. mínútu minnkaði Christopher Nkunku muninn fyrir Leipzig. Í uppbótartíma fyrri hálfleik kom Riyad Mahrez heimamönnum svo í 3-1.

Nkunku var aftur á ferðinni snemma í seinni hálfleik og minnkaði muninn að nýju.

Jack Grealish skoraði svo sitt fyrsta Meistaradeildarmark á 56. mínútuog kom City í tveggja marka forystu að nýju.

Nkunku gafst ekki upp og fullkomnaði þrennu sína á 73. mínútu.

Joao Cancelo og Gabriel Jesus áttu þó eftir að skora fyrir City á síðasta stundarfjórðungi leiksins. Lokatölur 6-3.

Angelino, fyrrum leikmaður Man City, fékk rautt spjald seint í leiknum.

Marki fagnað í kvöld. Mynd/Getty

B-riðill

Liverpool 3-2 AC Milan

Liverpool vann verðskuldaðan sigur gegn AC Milan á Anfield.

Liverpool var miklu betri aðilinn allt frá upphafi. Liðið náði forystu á 9. mínútu þegar fyrirgjöf Trent Alexander-Arnold fór af Fikayo Tomori og rataði í netið.

Fimm mínútum síðar fékk Liverpool vítaspyrnu þegar Andy Robertson sparkaði boltanum í hönd leikmanns Milan. Mohamed Salah fór á punktinn en Mike Maignan gerði sér lítið fyrir og varði frá honum.

Þvert gegn gangi leiksins jafnaði Ante Rebic fyrir gestina á 42. mínútu. Hann skoraði þá eftir frábæra sókn Mílanó-liðsins.

Milan var búið að snúa leiknum við stuttu síðar þegar Brahim Diaz potaði boltanum yfir línuna eftir að skot Theo Hernandez var varið.

Liverpool stjórnaði leiknum áfram í seinni hálfleik og uppskar mark á 49. mínútu. Þá kom Salah boltanum í netið eftir sendingu inn fyrir vörn Milan frá Divock Origi.

Jordan Henderson skoraði sigurmark heimamanna þegar rúmar 20 mínútur lifðu leiks með flottu skoti fyrir utan teig. 3-2 sigur staðreynd.

Atletico Madrid 0-0 Porto

Hvorugu liðinu tókst að skora í leik Atletico Madrid og Porto á Spáni.

Chancel Mbemba, leikmaður Porto, fékk nokkuð umdeilt rautt spjald í lok leiks.

C-riðill

Sporting 1-5 Ajax

Ajax burstaði Sporting. Leikið var í Portúgal.

Sebastian Haller kom Ajax í 0-2 með mörkum á fyrstu tíu mínútum leiksins. Paulinho minnkaði muninn fyrir heimamenn á 33. mínútu.

Áður en fyrri hálfleik lauk skoraði Steven Berghuis og kom Ajax í 1-3.

Haller fullkomnaði þrennuna með marki snemma í seinni hálfleik. Hann skoraði svo eitt mark í viðbót á 63. mínútu.

D-riðill

Inter 0-1 Real Madrid

Real Madrid vann sterkan sigur á Inter. Leikið var í Mílanó.

Bæði lið brenndu af færum í leiknum. Það stefndi í markalaust jafntefli þegar Rodrygo gerði sigurmark leiksins fyrir Real eftir sendingu frá Eduardo Camavinga. Lokatölur 0-1.

Frá leiknum í kvöld. Mynd/Getty
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 5 klukkutímum

Mjólkurbikar kvenna: Þór/KA og KR með stórsigra – Stjarnan vann FH

Mjólkurbikar kvenna: Þór/KA og KR með stórsigra – Stjarnan vann FH
433Sport
Fyrir 5 klukkutímum

Sveindís er þýskur bikarmeistari – Wolfsburg tók tvennuna

Sveindís er þýskur bikarmeistari – Wolfsburg tók tvennuna
433Sport
Fyrir 8 klukkutímum

Sjáðu myndirnar: Stjarnan í góðum gír í sumarfríinu eftir að hafa fengið meira en 16 milljarða í vasann

Sjáðu myndirnar: Stjarnan í góðum gír í sumarfríinu eftir að hafa fengið meira en 16 milljarða í vasann
433Sport
Fyrir 8 klukkutímum

Hjörvar um stórleik kvöldsins: „Liverpool hefur hungrið í þetta í ár“

Hjörvar um stórleik kvöldsins: „Liverpool hefur hungrið í þetta í ár“
433Sport
Fyrir 13 klukkutímum

Allt breyttist hjá fáklædda Íslandsvininum eftir að hún braut reglurnar fyrir framan tugi þúsunda

Allt breyttist hjá fáklædda Íslandsvininum eftir að hún braut reglurnar fyrir framan tugi þúsunda
433Sport
Fyrir 14 klukkutímum

Hjörvar og Jóhann um kvöldið: „Mér finnst orkustigið í leik Liverpool verið að fara niður“

Hjörvar og Jóhann um kvöldið: „Mér finnst orkustigið í leik Liverpool verið að fara niður“