Georginio Wijnaldum miðjumaður PSG segist ekki hafa fundið neina ást frá Liverpool, sökum þess hafi hann ákveðið að yfirgefa félagið.
Wijnaldum fór frítt frá Liverpool í sumar og gekk í raðir PSG, hann var nálægt því að fara til Barcelona en PSG kom með alvöru seðla á borðið.
„Þú ferð eftir tilfinningu þinni,“ segir Wijnaldum í nýju viðtali.
„Fyrir nokkrum mánuðum þá hafði ég látið vita af því að ég vildi vera áfram hjá Liverpool. Liverpool gaf mér ekki þá tilfinningu að félagið vildi halda mér. Ég leitaði því annað.“
Wijnaldum ræðir svo um áhuga Barcelona. „Ég var mjög ánægður með tilboð Barcelona, frá því að ég var krakki þá hafa hollenskir leikmenn gert vel þarna.“
„Ég ætlaði að fara þangað en viðræður tóku langan tíma og Paris kom upp. Þeir sýndu mikinn metnað í að klára þetta og ég var klár í ævintýrið.“
