Gary Neville segir að Craig Pawson dómari hafi gert mistök með því að reka Pascal Struijk leikmann Leeds af velli í gær. Struijk var rekinn af velli eftir að hafa brotið á Harvey Elliott leikmanni Liverpool.
Elliott meiddist alvarlega og fótbrotinn, ljóst er að miðjumaður Liverpool verður lengi frá.
Neville telur að rauða spjaldið hafi verið rifið upp vegna þeirar meiðsla sem Elliott varð fyrir frekar en að brotið hafi verið slæmt.
„Það er mikilvægast að drengurinn jafni sig en ég efast um að þetta hafi varið rautt spjald,“ sagði Neville á Elland Road í gær.
„Rauða spjaldið fór á loft vegna meiðslanna, ekki vegna brotsins. Þetta er ekki gott að sjá, leikmönnum var brugðið og Jurgen Klopp var verulega reiður.“
Elliott hefur átt fast sæti í byrjunarliði Liverpool undanfarnar vikur og vakið athygli fyrir vaska framgöngu sína.