Íslenski landsliðsmaðurinn Alfons Sampsted og félagar í Bodö/Glimt eru einu stigi frá toppsæti norsku úrvalsdeildarinnar eftir að liðið gerði 1-1 jafntefli gegn Odd á heimavelli.
Bodö byrjaði daginn í toppsætinu en er nú stigi á eftir Molde sem vann 4-0 sigur á Mjondalen fyrr í dag. Alfons Sampsted byrjaði leikinn í bakverðinum en kom af velli fyrir Joel Muvka.
Sandefjord vann 3-0 sigur á Valeranga. Viðar Ari Jónsson var í byrjunarliði Sandefjord og skoraði þriðja mark liðsins þegar að fimmtán mínútur vor ueftir af venjulegum leiktíma. Viðar Örn Kjartansson var í byrjunarliði Valeranga en kom af velli á 79. mínútu. Sandefjord er í 10. sæti með 24 stig. Valeranga er í 8. sæti með 26 stig.
Kristiansund vann 2-1 útsigur á Stromsgodset. Ari Leifsson var í byrjunarliði Stromsgodset en Valdimar Ingumundarson byrjaði leikinn á bekknum og kom inn á á 79. mínútu í stöðunni 1-1. Aliou Coly skoraði sigurmark Kristiansund á þriðju mínútu uppbótartíma. Kristiansund er í 3. sæti með 32 stig, fjórum stigum á eftir toppsætinu. Stromsgodset er í 9. sæti með 25 stig.