Chelsea tók á móti Aston Villa í 4. umferð ensku úrvalsdeildarinnar í kvöld. Leiknum lauk með 3-0 sigri Chelsea.
Lukaku kom Chelsea yfir þegar stundarfjórðungur var liðinn af leiknum eftir stoðsendingu frá Kovacic þar sem Lukaku kláraði með glæsibrag. Eftir erfiðar upphafsmínútur hjá Aston Villa þá tóku þeir yfir leikinn eftir markið og óðu í færum, oft með hjálp frá Saul sem spilaði sinn fyrsta leik fyrir Chelsea. Senegalski markvörðurinn, Edouard Mendy, stóð vaktina einkar vel og Chelsea fór inn í hálfleik með 1-0 forystu.
Kovacic tvöfaldaði forystu Chelsea í byrjun seinni hálfleiks eftir hræðileg mistök Tyrone Mings. Jafnræði var með liðunum í seinni og sigurinn hjá Chelsea aldrei í hættu. Lukaku gulltryggði svo sigur Chelsea með frábæru marki í uppbótartíma.
Chelsea 3 – 0 Aston Villa
1-0 R. Lukaku (´15)
2-0 M. Kovacic (´49)
3-0 R. Lukaku (90+3)