Samkvæmt Calcio Mercato mun Juventus blanda sér í baráttuna um Paul Pogba, miðjumann Manchester United.
Samningur hins 28 ára gamla Pogba við Man Utd rennur út næsta sumar. Þar sem ekki stefnir í að leikmaðurinn skrifi undir nýjan hefur hann verið sterklega orðaður frá félaginu.
Paris Saint-Germain hefur helst verið nefnt til sögunnar sem hugsanlegur áfangastaður Frakkans.
Nú ætlar hans gamla félag, Juventus, þó að blanda sér í baráttuna um leikmanninn. Pogba var á mála hjá ítölsku risunum frá 2012 til 2016.
Talið er að Man Utd sé tilbúið að leyfa Pogba að fara fyrir um 50 milljónir evra vegna samningsstöðu hans.