Manchester City gæti misst Aymeric Laporte í sumar en hann hefur tilkynnt félaginu að hann vilji snúa aftur til Spánar í sumar.
Laporte missti sæti sitt í byrjunarliði Manchester City á síðasta tímabili eftir að Ruben Dias gekk til liðsins frá Benfica. Upphaflega var búist við því að Laporte og Dias myndu vera saman í vörninni en John Stones var í frábæru formi og tók byrjunarliðssætið af Laporte.
Spánverjinn byrjaði aðeins 14 leiki í deildinni á síðustu leiktíð og er ólíklegt að spilatíminn muni aukast en Stones er í viðræðum við félagið um nýjan samning.
Laporte vill einungis fara til Spánar en hann kom til Manchester City frá Athletic Bilbao í janúar 2018.