Brasilíski miðjumaðurinn Fabinho hefur skrifað undir nýjan samning við Liverpool sem gildir til ársins 2026. Þetta tilkynnti félagið og leikmaðurinn á samskiptamiðlum fyrr í dag.
Fabinho hefur átt góðu gengi að fagna með Liverpool og er afar vinsæll hjá stuðningsmönnum félagsins en hann gekk til liðsins árið 2018. Hann hefur bæði unnið ensku deildina og Meistaradeildina með Liverpool.
„Ég er í skýjunum með að hafa skrifað undir nýjan samning við félagið. Frá því að við hófum viðræður um nýjan samning var ég mjög jákvæður því ég vildi vera áfram í borginni og halda áfram að spila fyrir Liverpool,“ sagði Fabinho eftir að nýi samningurinn var tilkynntur.
„Nú er þetta staðfest og ég er gríðarlega glaður. Ég hef átt þrjú virkilega góð tímabil hérna og lært mikið. Við höfum náð ótrúlegum árangri árangri og þetta er besti staðurinn fyrir mig til að vera á.“
𝗙𝗔𝗕 news… 😁@_fabinhotavares has signed a new long-term contract with the Reds 🙌
— Liverpool FC (@LFC) August 3, 2021