Akureyringar voru margir hverjir reiðir þegar beiðni um hjálp frá grænum Kópavogsbúum barst til þeirra í gær. Í dag fer fram stórleikur í efstu deild karla þegar Breiðablik heimsækir KA.
Breiðablik kemst á topp efstu deildar karla með sigri á KA þegar fjórar umferðir eftir, KA getur hins vegar komið sér á nýjan leik í alvöru titilbaráttu með sigri á Blikum.
Blikar ætla að reyna að fjölmenna í stúkuna á Akureyri en fóru þess á leið við stuðningsmenn Þórs að þeir myndu hjálpa til. Mikill rígur er á milli KA og Þórs á Akureyri. „Við í Kópacabana óskum eftir liðsstyrk frá grjóthörðum Þórsurum við að tralla með okkur á leiknum. Fyrir vonandi jákvæð viðbrögð ætlum við í staðinn að smala í amk eitt borð á næsta herrakvöldi Þórs,“ skrifuðu stuðningsmenn Blika í stuðningsmannahóp Þórs á Facebook.
,,Ætlum að smala í amk eitt borð”. Djöf ertu til í að leggja vel í þetta. pic.twitter.com/WWhFqJxk6C
— Gunni Nella (@gunni_nella) August 24, 2021
Beiðni stuðningsmanna Blika fór mjög illa í stuðningsmenn Þórs sem þrátt fyrir ríginn ætla ekki að hjálpa Blikum við stuðning í stúkunni. „Þetta finnst mér skammarleg bón,“ skrifa Árni nokkur.
Benedikt Guðmundsson, faðir Guðmundar Benediktssonar leggur orð í belg, fjölskyldan er öll í stuðningshópi Þórs en Guðmundi blöskrar beiðnin. „Þótt við séum Þórsarar og erum sífellt að keppa við þá að vera besta lið bæjarins þá erum við ekki slíkir skíthælar að við mætum á þeirra völl til að styðja utanbæjarlið. Það er öllum Akureyringum til góðs að íþróttafélögum á Akureyri gangi vel hvort sem það er KA, Þór eða Skautafélagið,“ skrifar Benedikt Guðmundsson
Leikurinn í dag hefst klukkan 18:00 á Greifavellinum á Akureyri.
Follow up. Óhætt að segja að tilboðið glæsta er ekki að skora. Þakka góðum vini sem sendi mér. pic.twitter.com/OJXAtIlEZq
— Gunni Nella (@gunni_nella) August 24, 2021