Tveimur leikjum er nýlokið í Lengjudeild karla. Leikið var í 18. umferð.
Grótta 2-1 Grindavík
Grótta vann dramatískan sigur á Grindavík á heimavelli.
Sigurður Bjartur Hallsson kom gestunum yfir um miðjan fyrri hálfleik. Kjartan Kári Halldórsson jafnaði metin fyrir Gróttu á 33. mínútu.
Í blálok leiksins skoraði Sigurvin Reynisson svo sigurmark Heimamanna. Lokatölur 2-1.
Grótta er í fimmta sæti deildarinnar með 29 stig. Grindavík er í sjöunda sæti með 23 stig.
Þróttur Reykjavík 2-2 Fram
Þróttur og Fram gerðu jafntefli á Eimskipsvellinum í Laugardal.
Róbert Hauksson kom heimamönnum í Þrótti yfir strax á 4. mínútu.
20 mínútum síðar jafnaði Alexander Már Þorláksson fyrir Fram.
Þórir Guðjónsson kom gestunum svo yfir eftir um tíu mínútur í seinni hálfleik.
Það stefndi í enn einn sigur Fram þegar Sam Hewson skoraði með glæsilegri aukaspyrnu. Lokatölur 2-2.
Fram er á toppi deildarinnar með 48 stig, þegar búið að tryggja sér sæti í efstu deild að ári.
Þróttur er í ellefta og næstneðsta sæti með 11 stig, 7 stigum frá öruggu sæti þegar fjórar umferðir eru eftir.