Kristófer Ingi Kristinsson kom inn á sem varamður í leik SonderjyskE og Nordsjælland í dönsku úrvalsdeild karla í dag.
Kristófer gekk til liðs við SonderjyskE á dögunum og kom inn á sem varamaður í sínum fyrsta leik á 67. mínútu. Honum tókst þó ekki að koma í veg fyrir fyrsta tap liðsins á tímabilinu en leikurinn fór 2-0 fyrir Norsjælland. Oliver Marc Rose-Villadsen gerði fyrsta mark leiksins á lokamínútu fyrri hálfleiks. Simon Adingra innsiglaði svo sigur Nordsjælland með marki á 85. mínútu.
Bæði lið eru með 4 stig eftir 3 leiki en Nordsjælland er með betri markamun og situr í 4. sæti deildarinnar á meðan Sonderjyske er í 7. sæti.
Lokatölur:
SonderjyskE 0 – 2 Nordsjælland
0-1 Oliver Marc Rose-Villadsen (’45)
0-2 Simon Adingra (’85)