Jamie Carragher, Liverpool-goðsögn og sparkspekingur, segir að Harry Kane gæti eyðilagt orspor sitt með því að taka upp á hlutum eins og að mæta ekki á æfingar.
Kane mætti ekki til æfinga hjá Tottenham í morgun. Hann átti að snúa aftur í dag eftir stutt frí.
Framherjinn hefur verið orðaður við Manchester City í allt sumar. Nú virðist sem svo að hann ætli að þvinga í gegn félagaskiptum frá Tottenham.
,,Það er rangt að mæta ekki á æfingu. Við vitum öll að hann vill fara og skiljum af hverju. Harry ætti samt ekki að eyðileggja samband sitt við stuðningsmenn sem dá hann bara til að komast frá félaginu. Spurs verður alltaf hans félag,“ skrifaði Carragher á Twitter.
Kane er samningsbundinn Tottenham til ársins 2024. Hann telur sig þó hafa gert heiðursmannasamkomulag við félagið síðasta sumar um að fá að vera seldur í ár.