Giorgio Chiellini er við það að skrifa undir nýjan tveggja ára samning við Juventus. Fabrizio Romano greinir frá.
Samningur Chiellini, sem verður 37 ára síðar í mánuðinum, rann út fyrr í sumar. Það hefur þó alltaf legið í loftinu að miðvörðurinn myndi skrifa undir nýjan.
Chiellini hefur verið á mála hjá Juventus í 16 ár. Hann hefur níu sinnum orðið Ítalíumeistari með liðunu og fimm sinnum bikarmeistari.
Þá var þessi gífurlega öflugi varnarmaður auðvitað hluti af ítalska landsliðinu sem varð Evrópumeistari í sumar eftir sigur á Englendingum í úrslitaleik.