Manchester United þarf að koma framtíð hægri bakvarðarins Diogo Dalot á hreint áður en félagið kaupir Kieran Trippier frá Atletico Madrid. Fabrizio Romano greinir frá.
Trippier og Dalot leika sömu stöðu. AC Milan hefur áhuga á þeim síðarnefnda.
Man Utd vill þó fá 4 til 5 milljónir evra í lánsfé fyrir leikmanninn og einnig setja kaupmöguleika inn í samninginn við Milan.
Trippier hefur verið sterklega orðaður við Man Utd í sumar.
Hann er fastamaður í enska landsliðinu sem fór alla leið í úrslitaleik Evrópumótsins fyrr í sumar.
Þá varð Trippier Spánarmeistari með Atletico Madrid á síðustu leiktíð. Hann hefur verið hjá spænska félaginu frá því 2019. Þar áður var leikmaðurinn á mála hjá Tottenham.