Miðvörðurinn Samuel Umtiti er að öllum líkindum á förum frá Barcelona á láni á næstunni. SPORT greinir frá.
Katalóníustórveldið getur ekki lofað hinum 27 ára gamla Umititi miklum spiltíma á næstu leiktíð og telur því best að hann leiti annað.
Frakkinn setur þó þá kröfu að hann fari í lið sem spilar í Meistaradeild Evrópu eða þá að það sé að berjast um titla í heimalandinu.
Þetta fækkar hugsanlegum áfangastöðum hans töluvert og setur Barcelona í erfiða stöðu.
Umtiti hefur verið á mála hjá Barcelona frá árinu 2016. Hann kom frá Lyon í heimalandinu.
Þá á hann að baki 31 leik fyrir franska A-landsliðið.