Topplið Lengjudeildarinnar, Fram, vann Vestra á útivelli í dag. Leikurinn var liður í 16. umferð.
Leikurinn var fremur bragðdaufur og lét fyrsta markið bíða lengi eftir sér.
Það gerði svo Þórir Guðjónsson fyrir Fram á 84. mínútu leiksins.
Þetta reyndist eina mark leiksins. Lokatölur 0-1.
Fram er, sem fyrr segir, á toppi deildarinnar með 44 stig. Liðið hefur 12 stiga forskota á ÍBV, sem er í öðru sæti. Eyjamenn eiga þó leik til góða.
Vestri er í fimmta sæti með 25 stig.
