Tveir leikir fóru fram í Lengjudeild karla í kvöld. Um var að ræða frestaða leiki frá því í 13. umferð.
Mikilvægur sigur Kórdrengja í toppbaráttunni
Kórdrengir tóku á móti Aftureldingu og unnu gríðarlega mikilvægan sigur í toppbaráttunni.
Þórir Rafn Þórisson kom heimamönnum yfir á 11. mínútu. Það reyndist eina mark fyrri hálfleiks.
Kristófer Óskar Óskarsson jafnaði leikinn fyrir Aftureldingu i byrjun seinni hálfleiks.
Sigurmarkið kom svo þegar 20 mínútur lifðu leiks. Það gerði Axel Freyr Harðarson fyrir Kórdrengi. Lokatölur 2-1.
Kórdrengir eru í þriðja sæti deildarinnar með 28 stig, 4 stigum á eftir ÍBV í öðru sæti. Kórdrengir eiga þó leik til góða.
Afturelding er í níunda sæti með 19 stig, þó vel fyrir ofan fallsvæðið.
Fran kláraði Ólsara í seinni hálfleik
Fram vann öruggan útisigur á Víkingi Ólafsvík. Mörkin voru þó lengi að láta sjá sig.
Heimamenn héldu toppliði deildarinnar í skefjum í fyrri hálfleik. Markalaust var að honum loknum.
Fred kom Fram hins vegar yfir á fyrstu mínútu seinni hálfleiks. Tíu mínútum síðar fékk Emmanuel Eli Keke í liði Ólsara rautt spjald.
Fred tvöfaldaði forystu gestanna á 69. mínútu. Hlynur Atli Magnússon innsiglaði svo 0-3 sigur þeirra þegar tíu mínútur lifðu leiks.
Fram er sem fyrr á toppi deildarinnar með 41 stig, 9 stigum á undan ÍBV í öðru sætinu.
Víkingur Ólafsvík er límt við botninn með 2 stig, 10 stigum frá öruggu sæti.