Jón Dagur Þorsteinsson var í byrjunarliði AGF er liðið tapaði á heimavelli gegn Randers í dönsku úrvalsdeildinni í dag. Randers náði forystunni á 27. mínútu með marki frá Tosin Kehinde. David Kurminowski jafnaði metin fyrir heimamenn á 51. mínútu, en Mathias Greeve skoraði sigurmark Randers fjórum mínútum síðar. Jón Dagur kom af velli á 72. mínútu.
AGF er enn án sigurs eftir þrjár umferðir en liðið er í 10. sæti með 2 stig. Randers situr á toppi deildarinnar með 7 stig.
Stefán Teitur Þórðarson kom inn á sem varamaður í liði Silkeborg er liðið gerði 0-0 jafntefli við Álaborg á heimavelli. Stefán byrjaði leikinn á bekknum en kom inn á sem varamaður í upphafi seinni hálfleiks.
Silkeborg er í 7. sæti með 3 stig eftir þrjár umferðir. Álaborg er í 9. sæti með 2 stig.