Andriy Shevchenko er hættur sem þjálfari úkraínska landsliðsins. Þetta kemur fram á Instagram aðgangi hans. Shevchenko var skipaður þjálfari Úkraínu árið 2016 og kom liðinu í 8-liða úrslit á EM 2020 þar sem liðið tapaði 4-0 fyrir Englandi.
„Saman tókst okkur að sýna og sanna það að við getum spilað samkeppnishæfan, árangursríkan og spennandi fótbolta,“ sagði hann í færslunni.
Shevchenko er markahæsti leikmaður Úkraínu frá upphafi. Hann lék áður með AC Milan og Chelsea og vann Ballon d’Or árið 2004.