Samkvæmt frétt 90min er Chelsea að undirbúa 150 milljóna punda tilboð í Erling Braut Haaland, framherja Dortmund í Þýskalandi.
Þrátt fyrir að vera aðeins tæplega 21 árs gamall hefur Haaland leikið á efsta stigi fótboltans undanfarin tvö tímabil.
Hann sló fyrst í gegn hjá RB Salzburg í Austurríki sem varð til þess að hann fékk félagskipti til Dortmund.
Frá komu sinni þangað hefur Norðmaðurinn skorað 40 mörk í 44 leikjum í þýsku Bundesligunni.
Það þarf því ekki að koma neinum á óvart að mörg af stærstu liðum heims hafi áhuga á því að fá Haaland í sínar raðir, það verður þó dýrt.
Það er ljóst að aðeins er tímaspursmál um það hvenær Haaland yfirgefur Dortmund fyrir einn af risunum í evrópska fótboltanum.