Connor Owlett átta ára drengur á Englandi er í skýjunum eftir að hafa fengið baráttukveðju frá Jack Grealish leikmanni enska landsliðsins. Connor glímir við hvítblæði.
Drengurinn ungi er eins og öll enska þjóðin verulega spennt en enska liðið er komið í undanúrslit á Evrópumótinu.
„Ég hef heyrt af því sem þú ert að ganga í gegnum, ég hef líka heyrt hversu sterkur baráttumaður þú ert. Reyndu að vera eins jákvæður og kostur er, ég er viss um að þú gerir það,“ sagði Grealish.
„Ég kann vel við lagið sem þú syngur og þú nefnir mig þar. Takk kærlega fyrir það.“
„Ég og allir hjá enska liðinu viljum óska þér góð gengis og vertu eins sterkur og þú getur. Gangi þér vel vinur og vonandi get ég hitt þig fljótlega.“
Drengurinn ungi er þakklátur fyrir kveðjuna. „Ég varð svo spenntur, mér leið betur eftir hana. Hann er gæðaleikmaður og góður maður,“ sagði Connor sem er nú í lyfjameðferð.