Manchester United ætlar að reyna að næla í Leon Goretzka, miðjumann Bayern Munchen, í sumar. Þetta segir ESPN.
Samningur hins 26 ára gamla Goretzka rennur út næsta sumar. Man Utd er því í kjörstöðu til að sækja hann, að því gefnu að Þjóðverjinn kroti ekki undir nýjan samning við Þýskalandsmeistaranna á næstunni.
Man Utd er í leit að miðjumanni. Declan Rice hjá West Ham og Ruben Neves hjá Wolves hafa verið nefndir sem möguleikar fyrir félagið.
Það gæti orðið sérstaklega mikilvægt fyrir Man Utd að sækja miðjumann ef Paul Pogba fer frá félaginu.
Hann hefur verið orðaður við Paris Saint-Germain undanfarið. Samningur Frakkans við Man Utd rennur út næsta sumar.