Arnór Sigurðsson er kominn til ítalska félagsins Venezia á láni frá CSKA Moskvu. Lánið gildir út komandi leiktíð.
Hinn 22 ára gamli Arnór framlengdi samning sinn í Rússlandi til ársins 2024 áður en hann hélt til Ítalíu.
Venezia leikur í Serie A á næstu leiktíð eftir að hafa komist upp úr B-deildinni á þeirri síðustu.
Fyrir eru á mála hjá félaginu þeir Óttar Magnús Karlsson, Bjarki Steinn Bjarkason, Jakob Franz Pálsson og Kristófer Jónsson. Þeir tveir síðastnefndu leika þó með U-19 ára liði félagsins.
Arnór á að baki 14 leiki fyrir A-landslið Íslands.
Arnór Sigurðsson al Venezia FC.https://t.co/0axa1VebGY#ArancioNeroVerde 🟠⚫️🟢 pic.twitter.com/t1WBUGPSSm
— Venezia FC (@VeneziaFC_IT) July 30, 2021