Samkvæmt Sky Sport Italia eru að minnsta kosti sex mánuðir þar til Daninn Christian Eriksen, leikmaður Inter, getur leikið knattpspyrnu á nýjan leik.
Það vita flestir hvað gerðist á Parken í Kaupmannahöfn þann 12. júní. Þá hneig Eriksen til jarðar í landsleik Danmerkur og Finnlands á Evrópumótinu. Leikmaðurinn fór í hjartastopp en viðbragðsteymi á vellinum náði honum, sem betur fer, til baka.
Eriksen fékk græddan í sig bjargráð í kjölfar atviksins. Það kom fram á dögunum að Eriksen fengi ekki að spila með einn slíkan í ítölsku Serie A vegna reglna þar.
Tíminn sem það tekur að fara í þær rannsóknir sem fylgja því að fjarlægja slíkan bjargráð er allt að sex mánuðir. Því leikur hann ekki með Inter fyrir þann tíma, ef einhvern tímann.
Samningur Danans við ítalska félagið gildir til ársins 2024.