FH er úr leik í Sambandsdeild Evrópu eftir 4-1 tap gegn norska liðinu Rosenborg í kvöld. Rosenborg vann einvígið 6-1 samanlagt og er komið áfram í 3. umferð forkeppninnar þar sem það mætir Domzale frá Slóveníu.
Það var ekkert skorað í fyrri hálfleik en Dino Islamovic kom heimamönnum yfir á 49. mínútu með marki úr víti. Stefano Vecchia bætti við öðru markinu á 54. mínútu og Emil Konradsen Ceide skoraði þriðja og fjórða mark leiksins á 76. og 87 mínútu. Guðmann Þórisson skoraði sárabótarmark fyrir FH-inga á 74. mínútu.
Hólmar Örn Eyjólfsson lék allan leikinn í vörn Rosenborg.
Lokatölur:
Rosenborg 4 – 1 FH
1-0 Dino Islamovic(‘49, víti )
2-0 Stefano Vecchia (’54)
2-1 Guðmann Þórisson (’74)
3-1 Emil Konradsen Ceide (’76)
4-1 Emil Konradsen Ceide (’87)