Tottenham og Celtic eiga nú í viðræðum um hugsanleg félagaskipti Joe Hart til síðarnefnda liðsins. Fabrizio Romano greinir frá.
Hart er 34 ára gamall markvörður. Hann hefur verið á mála hjá Tottenham síðan í fyrra en á þó enn eftir að spila leik fyrir félagið í ensku úrvalsdeildinni. Hart hefur hins vegar leikið tíu leiki í Evrópudeild og enska bikarnum.
Englendingurinn var nokkuð hátt skrifaður markvörður á sínum tíma. Þá lék hann fyrir Manchester City. Hann vann tvo Englandsmeistaratitla með félaginu.
Þá á Hart 75 landsleiki að baki fyrir Englands hönd.
Auk Tottenham og Man City hefur Hart leikið með Burnley, West Ham og Torino á undanförnum árum.
Celtic have opened talks with Tottenham to sign Joe Hart as new goalkeeper. Negotiations ongoing between the two clubs. ⚪️🟢 #CelticFC
Aurelio Buta is still the main target as right-back, as reported days ago. Celtic are working to reach an agreement. 🇵🇹
— Fabrizio Romano (@FabrizioRomano) July 28, 2021