Skosku klámstjörnunni Lana Wolf var hent út af krá í heimalandinu á sunnudag fyrir það að vera berbrjósta. Hún ætlaði að fá sér drykk fyrir æfingaleik á milli Rangers og Real Madrid.

Wolf er mikill stuðninsgmaður Rangers. Þess má til gamans geta að hennar menn unnu leikinn 2-1.

Hún ætlaði að hita upp fyrir leikinn með því að fá sér bjór á Louden-Kránni. Wolf fékk hins vegar ekki að vera inni á staðnum eftir að hún fór úr að ofan.

,,Þetta er fyndið því þegar ég var berbrjósta á tómum Louden að kaupa drykki sögðu eigendurnir ekki neitt. Í dag var mér svo bannað að vera inni á staðnum,“ skrifaði Wolf um atvikið.

Talsmaður staðarins tjáði breska miðlinum Daily Star að óviðeigandi hegðun væri ekki í boði á Louden-kránni.