Samuel Eto’o var ekki sáttur við það hvernig blaðamaður orðaði spurningu við hann í viðtali á dögunum.
Eto’o fékk eftirfarandi spurningu frá blaðamanninum: „Hvað getur Ansu Fati lært frá Messi, þú spilaðir auðvitað með honum?”
Þá svaraði Eto’o: „Nei, hann spilaði með mér, það er allt öðruvísi. Á mínum tíma spilaði Messi með mér, ég spilaði ekki með Messi. Þetta skiptir miklu máli.”
Eto’o var í 5 ár með Messi hjá Barcelona, á árunum 2004-2009 þegar argentíska stórstjarnan var að stíga sín fyrstu skref hjá félaginu. Þeir unnu deildina þrisvar saman og Meistaradeildina 2009. Eto’o var líklega stærra nafnið á þeim tíma og var talinn einn besti framherjinn í heimi þegar hann var upp á sitt besta.
Samuel Eto’o had to set the record straight when told "he played with Messi" 😅
(via roadto2022en/TikTok) pic.twitter.com/XjOY5heta4
— ESPN FC (@ESPNFC) July 25, 2021