Alex Crook á talkSPORT telur að enginn klúbbur í ensku úrvalsdeildinni myndi ráða Ole Gunnar Solskjaer sem stjóra ef hann væri laus.
Manchester United náði 2. sæti í deildinni og komst í úrslitaleik Evrópudeildarinnar á síðasta tímabili undir stjórn Solskjaer. Hann hefur þó ekki enn unnið titil með enska stórveldinu og telur Alex Crook að Solskjaer þurfi að ná betri árangri með liðið sem er stjörnum prýtt.
„Ef Ole Gunnar Solskjaer væri laus, hversu margir klúbbar myndu íhuga hann sem stjóra? Ég held að enginn myndi íhuga að ráða hann sem stjóra,” sagði Crook á talkSPORT.
„Aðrir stjóra lesa taktíkina hans auðveldlega. Þegar United er í séns á að vinna titil þá klikkar Solskjaer. Það er ekki af því að hann er of góður náungi, það er vegna þess að hann er ekki nægilega góður stjóri.”